R.T. 泰國美食

营业中

休息中

平时都好钟意食呢间泰国菜，但系第一次叫外卖自取，今次有啲失望，啲炒粉面好似冇堂食咁好食，冇乜味道，同埋啲𩠌好少，再加上可能外卖，啲面痴埋一嚿嚿，不过我哋其实只系拎咗上楼上食，唔系行到好远，唔明白点解会咁…今次叫咗虾酱炒饭，泰式虾炒金边粉，干炒喂海鲜河同埋香叶肉碎炒饭，再加多个皮蛋炸虾饼！香叶肉碎炒饭辣辣地几惹味，呢个饭味道冇问题～虾酱炒饭冇咩虾酱味，又冇咩𩠌，感觉成个饭冇乜味，同埋冇咩镬气！泰式炒金边粉同埋河粉，黐埋晒一嚿嚿，比较难夹起，有少少失望！平时堂食觉得几好食，唔知点解今次会冇乜嘢味道同埋好油，炒得冇之前咁干身！最好食系皮蛋炸虾饼！炸到好脆！份量就系两个，不过食到最后有一两旧系个皮蛋好碱！呢个小食冇退步！