天澄閣中菜廳

营业中

休息中

上次试过晚饭都几满意，谂住今日嚟饮茶点心如何？两个人叫咗六个点心1）天澄虾饺王（$50）本身我钟意食虾饺，所以饮茶一定会叫，喺呢度就系一个特点，所以都有少少期望，但上枱𠮶刻觉得虾饺份量相对细，个蒸笼就好大，食落口亦未有太大惊喜，同价钱相比性价比较低2）酱皇蒸凤爪（$41）份量都算OK，味道淡好但偏辣，都好味嘅3）怀旧叉烧包（$32）中规中矩4）潮州蒸粉果（$32）又系个蒸笼好大，食物比较细只，而且味道以我食咁多年粉果嘅经验应该系叫唔好食5）山竹牛肉球（$41）味道都算唔错6）雪茄虾春卷（$41）创意点心，一攞出嚟好似见到有三支雪茄放喺玻璃杯入边，可能系蕃茄嘅原因外皮炸咗后好似朱古力咁嘅色，咬落都系啖啖有虾，但系应该都系普通春卷会好味啲如果以红磡酒店嘅价钱相对性价比就低咗，食物味道亦没有太大惊喜，而且周末比平日仲会贵少少。环境就系靓，因为主要系一个专做婚礼嘅场地，可惜服务就麻麻哋。如果以呢个价钱可能都系去返附近其他酒楼会食得开心啲。