寶城美食店

营业中

休息中

6月11日中午，在红磡庇利街九龙城政府合署，牙科诊所让医生修理完D揾食拍档后，宁愿放弃回公司职员饭堂，食平价午膳而专诚到位于国华商场地厍的宝城美食，食佢嘅被誉为红磡名物炸大鸡脾，当日我柯打了一客炸鸡脾㗎喱饭跟一杯冻柠茶，茶是大路货色与其他茶餐厅无乜分别，而碟饭就喺在白饭上面淋上净汁㗎喱，内里无其他配茶传统七十年代快餐店出品格局，个饭同个㗎喱汁，讲好食就冇佢份，讲难食亦吾到佢，总之入得口食得落肚，讲到本餐主角炸鸡脾个外观真系好靓，成只鸡脾炸到金黄色仲大大只，一啖咬落去真系皮脆肉嫩仲好似有D汁液系鸡脾肉内渗出来的感觉，但系再食落去发觉只鸡脾D肉系淡茂茂，毫无味道，再望自己张枱及其他餐枱上个调味架上嘅盐盅都后近乎吉嘅，就明白呢只红磡名物，因为系雪藏货所以衹能做到外观一百分，而味道衹得二十分的出品，总结一试无防，再试无谓