茶閒裡

营业中

休息中

今日同朋友去开土瓜湾，一直知道启岸系好多好西嘅聚脚点，估唔到启岸上一层有一间静静地好岩vibe嘅餐厅，食物选择唔太多，但真系好好食同系健康之选，茶饮完都想一试再试。🍚鸡翼饭套餐每份套餐都有甜甜嘅水果同小蕃茄做前菜。鸡翼都腌得好入味，肉都有浓浓嘅瑞士汁味道，最值得赞系佢嘅菜饭，爽口嘅菜份量配得啱啱好，连埋饭食口感层次非常丰富。🐟 鳗鱼菜饭套餐鳗鱼烧得刚好，肉质鲜嫩，钟意健康餐嘅一定要试一试☕️正山小种（热）呢款系红茶，香气浓郁，味道非常醇厚！🍹👍🏻茉莉雪芽（冻）估唔到茉莉茶都可以有后劲而甘甘嘅味道，呢杯冻饮冰融咗都唔会令到茶嘅味道减淡，系必试之选🥣👍🏻糯香银耳羮系一个卖相非常靓嘅糖水，里面有糯香普洱茶冻，好欣赏呢款健康得黎又好香浓茶味嘅甜品，最难得系茶香又唔甜。🍰开心果mini林明顿呢款甜品有浓浓嘅开心果碎粒做外层，而蛋糕系奶油蛋糕，好浓郁开心果味，好好食，令食完好想再食！