你妳 (已結業)

终于唔使去荃湾先食到，依间you you啲台式三文治食过之后非常难忘，但荃湾太远所以都唔可以成日去，但屯马线开通咗之后，发觉黄埔开咗依间分店，虽然只有外卖，但都冇咗我黎揾食嘅意欲。呢间舖嘅门面好特别，竟然有道随意门，打卡一流。餐牌有好多选择，除咗台式三文治之外，仲有台式便当选择。唔去得台湾，食住个台铁便当都好。冇得堂食外卖返屋企慢慢食。佢哋而家有得自由配搭三文治，我叫左个炸鸡扒芋蓉咸蛋黄酱三文治。一个三文治几种唔同享受，我最钟意甜甜咸咸嘅感觉。鸡扒炸得好香脆，配埋芋蓉同咸蛋黄食估唔到咁夹。自选便当：我拣咗卤肉饭/三层五花腩肉/香芋海鲜饼/花之丸佢哋啲卤肉不得不赞，入口即溶，仲块块都厚切，花之丸都好弹牙，香芋海鲜饼好特别出面未食过。另一个我拣咗干拌面，干拌面啲面系粗面，非常弹牙，配卤水大鸡扒/台湾士林香肠/台湾虾卷，卤水大鸡扒卤得好入味，香肠直情有台湾嘅味道。希望佢哋越开越多分店，等我唔使去咁远食。