擇膳而行 (裝修中)

今日喺红磡喺度行行吓，见到呢间小店，于是就同朋友入去试吓先，睇到个餐牌写住依间舖头既前身系泰王海南鸡嚟㗎 ！同服务员倾咗两句，知道系前泰王海南鸡店嘅股东开嘅，有沿用番泰王海南鸡嘅配方，而卫生亦改善咗唔少！我哋叫咗一个二人餐，有无骨海南鸡半只、烧猪颈肉、饭、汤同埋饮品两杯！饮品方面我哋拣咗冻真正爆柠及热豆浆！海南鸡真系唔错！值得再食！地瓜QQ条，一客有几条，外脆内软，好QQ好烟韧，好好味😋，一啲都唔油腻！另外，我地都叫咗台湾古早风味（芋泥加肉松）及蟹柳、盐酥鸡、蛋黄沙津手抓饼 ！手抓饼即叫即整，新鲜热辣饀料足，好饱肚食食下，我地仲决下叫埋台式锅贴和小葱馅饼 及蒸烧卖试下！都系受隔离枱吸引味道都唔错，不过我钟意海南鸡和手抓饼多啲店员都好重视食客，有同我地倾咗两句，得悉黎紧食店会推出埋一些台式食品如仙草、芋圆和珍珠奶茶🧋！ 令到我都好期待😚想再黎！