潮潮居

营业中

休息中

作为潮州人，妈妈对潮州菜有一定要求，最近去嘅呢间餐厅就令到佢好满意。首先叫咗潮阳炸虾蟹枣，炸到金黄酥脆，仲有啲虾肉蟹肉系里面，一咬落去既香口又鲜甜，点咩甜酱更加开胃。梅羔酱烤骨，酸酸甜甜嘅梅羔酱，加埋有少少肉地、烤到啱啱好有少少焦香嘅排骨，好食到停唔到。再嚟系下佢嘅卤水鹅片，有豆腐垫底，一次个满足晒我两个愿望。鹅片肥瘦适中，鹅味好重，卤水又够入味。方鱼炒芥兰，加咗方鱼同冬菇，令到味道更加丰富，芥兰爽口嫩滑。脆皮炸子鸡，鸡皮好酥脆，仲有色彩缤纷嘅虾片，令到成道菜个外观更加吸引，鸡肉滑嫩多汁，令人回味无穷。潮州家乡煎蚝烙，食潮州嘢点可以唔食蚝饼！饼底煎得金黄香脆，蚝肉又多又大粒，手慢啲就畀妈妈食晒。。。银杏芋泥，好食得嚟唔会太甜，大家一致裁定为健康嘅甜品。鸳鸯水晶包，有绿豆蓉同紫薯味，而紫薯甜而不腻，又有满足感。清心丸绿豆爽，清甜解腻，为晚餐划上完美句号。