原味棧 (已結業)

今日约左细妹收工撑枱脚，细妹都是吃货之人。趁今次嘅机会我哋去咗红磡试新野。请问依间餐厅嘅火锅都好出名，海鲜又新鲜。原本想去呢间餐厅试吓佢哋个火锅，但系去到嘅时候我哋都商量左一阵，其实大家都唔系好肚饿，于是最后我哋改食小菜。麻辣鸡蟹煲，我哋叫咗半只鸡嘅份量$128上菜都算快，攞出黎嘅时候个煲吱吱声响，好有镬气劲香。佢哋用嘅鸡嘅size唔算好大只但系肉质不错挺弹牙。蟹盖又劲多膏！食落去麻辣麻辣咁，唔算太辣都几过瘾。客家酿豆腐$78呢个菜好大碟，估唔到佢都用铁板上，够晒镬气！酿系豆腐上面嘅肉碎好香口～我个人喜欢酸辣口味嘅小菜，呢个酸辣鱼$168非常啱我嘅口味，我哋为咗依个酸辣鱼每人添咗一大碗白饭。呢间餐厅嘅酸辣鱼有惊喜！餐厅座位不算多，但系胜在地方宽敞，坐得好舒服。我哋六点半左右去到都已经有七，八成嘅客人。