永發海鮮飯店

营业中

休息中

今日去完红磡观音庙借库，一如以往要揾野食😆 附近都多好野食，但老人家就系中意食中菜，上OP揾左间平平地既大排档，就系红磡市政大厦楼上，不卖装修，只卖食物质素😆.简单叫几个小炒就知功夫，叫左「黑椒牛仔骨 $98」、「西兰花班腩 $78」、「啫啫田鸡煲 $75」同「滑蛋牛肉饭 $48」，大排档小炒有镬气就一定架啦，主要系份量都算ok,味精唔算劲，起码食完唔使灌水，牛仔骨用豉椒爆炒痴青椒洋葱等，牛仔骨算细骨多肉，味道比较浓味D, 西兰花班腩价钱几平，班腩炸得几脆身，加左汁上面都仲脆脆地，西兰花加左韮黄一齐炒几入味。滑蛋牛肉饭先系餐饭既精华，睇相都见到个滑蛋整得好出色，滑牛腌制完够滑身又多料，蛋汁个比例同牛肉真系好鬼正，$48碟真系必试😏.好多枱都食海鲜，可能因为海鲜好平又抵食，但同行爸妈因为唔太好海鲜就无特别点，下次如果黎开呢头再帮衬都不错之选。