美味佳 (已結業)

一讲红磡串烧，相信大家都会谂起呢一间餐厅。近街市𠮶边有一间系外卖串烧，而呢一间就系堂食嘅串烧。夜晚如果七点先来嘅话，有机会要等好耐先有位，试过夜晚八点几过嚟，完全等唔到😂今次过嚟食佢嘅午餐。佢哋晏昼嘅车仔面超级平，仲要包埋嘢饮！佢哋嘅汤底系薯仔猪骨，三个𩠌，一个面底，汤底仲会比几旧薯仔同埋猪软骨，超级饱！汤底冇味精，鲜甜，猪骨亦都好好咬口，类似煲完汤嘅猪肉！另外当然叫埋佢嘅串烧，晏昼嘅串烧即叫即整，超满足。特别推介佢嘅蛋炒肠粉，每次来都一定要叫！