貴緣小鍋米線 (崇潔街) (已結業)

作为米线控，当然会四出寻找稳世米线，呢间系米线关注组经常被推荐😆咁梗系要试试。同老公一人一碗米线之余，再加多三款小食。✨猪软骨螺旋藻麻辣汤米线（中辣）麻辣汤底味道够麻够浓郁，亦唔会好油腻。螺旋藻系其中一款热门配料，口感爽脆但有索到啲汤既精华；猪软骨都够腍。✨螺旋藻萝卜酸辣汤米线（中小辣）酸辣汤嘅酸味同辣味对我黎讲平衡得刚好，我仲加左芽菜，好入味好爽口🙌🏻白萝卜亦好清甜。✨蒜泥鸡丝山 - 呢度嘅鸡丝真系一丝丝，口感好正。配上蒜泥好惹味。✨孜然凉皮条 - 非常烟韧，烟韧控可以试下。表面有啲孜然粉，而且带有微辣。✨重庆口水鸡翼 - 系单骨鸡翼，配合重庆汁够惹味。