越北牛肉粉專門店

营业中

休息中

好耐冇食越南嘢，今晚想食清淡少少，拣咗越北啦。宜家晚市都提供咗套餐，有主食，小食物同嘢饮才八十几HKD，每款都有4-5款可以拣，都几抵食。拣咗烤鸡肉串，鲜虾米纸卷，顺化汤河粉同大头虾酱炒通菜。顺化汤河粉配料都几丰富，有牛腩片，扎肉，扎蹄同牛肉丸，仲搭配左芽菜同葱丝。虽然汤底有少少辣，但是牛肉味都几重，汤底饮落好鲜甜，加埋啲牛腩同河粉一起食，超好味，好快已经食完成份汤河。烤鸡肉串一份有3串，鸡肉烧完有加咗沙爹酱，鸡肉烧得啱啱好，表面好香口，搭配咗啲沙爹酱唔算好甜，酱香味好重，好好味。仲搭配咗酸萝卜，食多油腻嘢再食啲酸萝卜好清爽。鲜虾米纸卷都好大一件，每件都有虾，青瓜，粉丝和生菜，点上配搭啲酸甜酱汁，一口咬落去好满足，食完2件已经超饱，都估唔到份量更大。大头虾酱炒通菜都几大一份，仲要好平，才32HKD，真系劲抵呀。。通菜放咗超多虾酱黎炒，每一啖食落去都好重虾味。最后买单唔到200HKD，真喺抵食。