巴蜀烤全魚 (已結業)

巴蜀烤全鱼(22/9) 星期三 下午3点左右特式：呢间舖专食烤鱼，以前系红磡芜湖街，之后搬左去九龙城，佢特色系有唔同味既烤鱼，总共有十几款唔同味咁多。食物：四川芽菜味烤鱼 - 佢有太多唔同味选择，但另一半唔系好食得辣，我又唔钟意食酸味，所以叫比较冇咁辣嘅味道，佢条鱼好新鲜，又大条，我叫呢个四川芽菜味，虽然好红，但事实唔系好辣，但好香好入味，两个人食晒成条鱼啱啱好，都唔洗叫其他野食。火锅配料 - 其实佢有好多火锅配料可以拣，食完条烤鱼就可以用嚟渌火锅料，但我当日无叫。饮品 - 有一般汽水/啤酒/王老吉等等环境：餐厅环境ok，比起系红磡个时间舖舒服同光猛，有8-10张枱，都松动阔落，当日平日既红日下午茶时段都有4-5枱客。服务：服务态度好，问职员每只唔同味道既烤鱼有咩分别，佢又会主动介绍下。价钱：大约350一条烤鱼。总结：呢个价钱唔算好平，佢既烤鱼都做得好出色，因为始终系烤鱼专门店，点都有返一个高既水准，钟意食烤鱼嘅朋友可以一试。