影片
更多
2023-05-05
93 浏览
📌 炸唛炸物专门店 - 红磡明安街29号地下🗓(5/5) 星期五 ⏰ 晚上7点左右💈特式：今日经过宝石戏院见到附近原来新开左间叫「炸唛」嘅炸物专门店，一向炸野/香口野都系十分吸引人，所以就比佢吸引左去帮衬下，佢主力系做炸物小食，同埋价钱都唔算贵，由最平$14去到最贵都只系$38，选择亦都唔少。🥩🍔🌭🌮🥗🥯🥘🍲🍝🍣🥟🍤🍱食物：因为每种都唔贵，所以我就尽量叫多几款食物去试下，等我可以同大家分享多d，而家等我同大家讲下嘅味道先。招牌炸三宝(6件) $33 - 三宝有茄子/青椒/云吞，将传统煎酿三宝用上炸嘅方法去同大家重新演绎，但三宝上嘅鲮鱼肉炸完之后都仲有弹牙嘅口感，真系非一般嘅食法，新颖嘅感觉，上面会再配埋餐厅嘅秘方菜脯辣椒酱，一绝。值得一提系佢个菜脯辣椒酱真系好正好惹味，入面有大量菜脯/虾米/银鱼仔炒香，我谂买返去用嚟捞面或者打边炉时点野食都应该几好效果。台湾花枝丸(5件) $24 - 本身谂住净系叫花枝丸，但老细好好人问我想唔想两沟，咁可以试多d口味就梗系更好啦。平时丸类多数都渌，再唔系就系烧，但系炸都好好食，粒粒都炸到胀卜卜，脆卜卜。泰国腐皮角$27 - 呢个系老细见我仲谂紧想食
🗓(5/5) 星期五 ⏰ 晚上7点左右
💈特式：今日经过宝石戏院见到附近原来新开左间叫「炸唛」嘅炸物专门店，一向炸野/香口野都系十分吸引人，所以就比佢吸引左去帮衬下，佢主力系做炸物小食，同埋价钱都唔算贵，由最平$14去到最贵都只系$38，选择亦都唔少。
🥩🍔🌭🌮🥗🥯🥘🍲🍝🍣🥟🍤🍱
食物：因为每种都唔贵，所以我就尽量叫多几款食物去试下，等我可以同大家分享多d，而家等我同大家讲下嘅味道先。
招牌炸三宝(6件) $33 - 三宝有茄子/青椒/云吞，将传统煎酿三宝用上炸嘅方法去同大家重新演绎，但三宝上嘅鲮鱼肉炸完之后都仲有弹牙嘅口感，真系非一般嘅食法，新颖嘅感觉，上面会再配埋餐厅嘅秘方菜脯辣椒酱，一绝。
值得一提系佢个菜脯辣椒酱真系好正好惹味，入面有大量菜脯/虾米/银鱼仔炒香，我谂买返去用嚟捞面或者打边炉时点野食都应该几好效果。
台湾花枝丸(5件) $24 - 本身谂住净系叫花枝丸，但老细好好人问我想唔想两沟，咁可以试多d口味就梗系更好啦。平时丸类多数都渌，再唔系就系烧，但系炸都好好食，粒粒都炸到胀卜卜，脆卜卜。
泰国腐皮角$27 - 呢个系老细见我仲谂紧想食咩时介绍我的，都系招牌食物，不过佢都真系无介绍错，佢其实就系炸鱼腐，再配埋泰式酸辣酱食，真系相当惹味。
招牌鸡软骨$29 - 话晒都系招牌，而且鸡软骨亦系香口/炸物小食中嘅表表者，当然要试下啦，呢个鸡软骨炸得好香口又够入味，粒粒都咁好咬。
柠檬汁黑椒脆骨肠$28 - 我好钟意食脆骨肠，试过一次去打边炉食过，真系一试难忘。但今次佢就系用轻轻炸下方法去处理，再配上柠檬汁，都另有一番风味，最紧要系脆骨肠入面仲系有粒粒脆骨咬，表面又炸脆埋，脆上加脆。
香辣啤酒薯条$29 - 虽然啤酒味唔太重，但辣粉做到好均匀咁沾到薯条上，配埋店舖秘制沙律酱，好香口美味。
天妇罗鱿鱼须$38 - 个鱿鱼须唔会炸得过火，只系炸脆左个外皮，但入面条鱿鱼又唔会干，而且有好香鱿鱼味。
🍽环境：餐厅环境就系一般小食店，舖仔细细主打做外卖，不过都有两张吧枱位，可以堂食。
🤵🏻🤵🏻♀️🤵🏻♂️服务：老细都几健谈，态度亦都好友善，加上间店始终系新开，老细都会介绍下店舖嘅招牌食物，同客人打好关系。
💰💸价钱：总数叫左7样野，埋单都只系$200左右，以小食店嚟讲，价钱都算几相宜抵食。
🐲💬总结：我觉得佢d小食嘅质素都做得唔错，加上我成日都会经过附近，所以应该都会keep住帮衬下，顺道支持一下区内小店。
推荐指数：❤️❤️❤️❤️🤍
台湾花枝丸/柠檬汁黑椒脆骨肠/天妇罗鱿鱼须
9 浏览
0 赞好
0 留言
泰国腐皮角/香辣啤酒薯条
14 浏览
0 赞好
0 留言
招牌炸三宝/招牌鸡软骨
11 浏览
0 赞好
0 留言
招牌炸三宝
$33
10 浏览
0 赞好
0 留言
张贴
