丸作食茶 (德民街) (已結業)

今日去红磡揾朋友，踏入七月真系好热，有必要买返杯嘢饮先，去红磡当然要去德民街，𠮶头系红磡美食集中地，咖啡夏天我就一般，珍珠奶茶就正啦！今次我就试下𠮶度间丸作。其实自从试黑糖珍珠奶茶之后，我已经只系钟情黑糖珍奶，其他手调饮品真系冇必要试了，因为黑糖珍珠奶茶真系用真奶冲，台湾就系叫拿铁！所以今次都唔例外叫咗丸作呢个一杯中杯黑糖珍珠红茶拿铁，可能系平日正午，呢间饮品铺竟然冇乜人，等佢冲饮品嘅时间唔耐，真系即叫即冲。一到手就见到黑糖有挂杯嘅效果，店员温馨提示要摇下先饮，我其实都好清楚🤣，讲返杯嘢饮，奶茶甜度刚好，冇太多糖精嘅死甜感，而珍珠本身已经有甜味，所以感觉就系刚好，珍珠方面我好钟意，要知道唔系间都煲得熟嫁，仲要有𡁻口，呢间啲珍珠我会摆佢暂时做第一位，下次经过红磡要再食呢间啲珍珠