影片
更多
2022-10-17
70 浏览
📌 贵缘小锅米线 - 红磡崇洁街20号地舖🗓(17/10) 星期一 ⏰ 晚上6:30左右 💈特式：红磡祟洁美食街就一向出名系区内多美食同特式小店，最近见米线关注组好多人提及呢间，咁作为红磡人，无理由唔去帮大家亲身试一试。🥩🍔🌭🌮🥗🥯🥘🍲🍝🍣🥟🍤🍱食物：佢地汤底有5款可以选择，包括酸辣/麻辣/蕃茄/猪骨/青花椒，除左猪骨外，每款都可以再自选辣度，弹性都几大；自选𩠌亦都有4~50款可以拣，另外落单时亦可自选转芽菜底/少面/加底，同埋要唔要酸菜/韭菜/芽菜/葱等，可因应自己喜好拣一碗啱自己口味嘅米线；除此，佢仲有多款小食都见有人大力推介，等我又同大家讲下味道先......自选组合米线 - 今次一行3人去食，但因为想试多少少佢地d小食，所以只叫左2碗share; 叫左1碗酸辣汤转芽菜底配炸响铃/鸡肉丝/韭菜/卤水猪肚，另1碗就蕃茄汤配红薯粉配鸡肉丝/秘制腩肉/猪软骨/卤水鸡翼；蕃茄汤底真系好好味，成碗汤饮到清晒，配料方面，卤水鸡翼好入味好淋滑，鸡肉丝好多份量，炸响铃好脆口，猪软骨真系好淋好入味，秘制腩肉就系店舖推介，真系好惹味。小食 - 其实见到店内好多小食都好有特式同吸引，但奈
🗓(17/10) 星期一 ⏰ 晚上6:30左右
💈特式：红磡祟洁美食街就一向出名系区内多美食同特式小店，最近见米线关注组好多人提及呢间，咁作为红磡人，无理由唔去帮大家亲身试一试。
🥩🍔🌭🌮🥗🥯🥘🍲🍝🍣🥟🍤🍱
食物：佢地汤底有5款可以选择，包括酸辣/麻辣/蕃茄/猪骨/青花椒，除左猪骨外，每款都可以再自选辣度，弹性都几大；自选𩠌亦都有4~50款可以拣，另外落单时亦可自选转芽菜底/少面/加底，同埋要唔要酸菜/韭菜/芽菜/葱等，可因应自己喜好拣一碗啱自己口味嘅米线；除此，佢仲有多款小食都见有人大力推介，等我又同大家讲下味道先......
自选组合米线 - 今次一行3人去食，但因为想试多少少佢地d小食，所以只叫左2碗share; 叫左1碗酸辣汤转芽菜底配炸响铃/鸡肉丝/韭菜/卤水猪肚，另1碗就蕃茄汤配红薯粉配鸡肉丝/秘制腩肉/猪软骨/卤水鸡翼；蕃茄汤底真系好好味，成碗汤饮到清晒，配料方面，卤水鸡翼好入味好淋滑，鸡肉丝好多份量，炸响铃好脆口，猪软骨真系好淋好入味，秘制腩肉就系店舖推介，真系好惹味。
小食 - 其实见到店内好多小食都好有特式同吸引，但奈何胃只有一个，所以今次就叫左孜然凉皮粉同蒜泥白肉嚟试下；凉皮粉系好爽口好有咬口嘅猪皮，加埋我钟意嘅孜然粉，小食嚟讲真系一流。蒜泥白肉我觉得仲好食过谭仔，而且佢选用带软骨嘅腩片，更加好食吸引。
☕️🍵🥤🧋🍺🍷🥃🍹🧉🍾🍶🥛
饮品 - 饮品佢地有豆浆同普通罐装汽水，无乜特别。
🍽环境：餐厅环境装修上就比较简单平实，总结就系普通嘅一间米线舖，但胜左干净整洁。
🤵🏻🤵🏻♀️🤵🏻♂️服务：店员服务态度好好，全店店面员工唔算多，都系小店经营，佢地落单除左可以同店员讲，外卖/堂食都可以用QR Code落单，都十分方便，介面都好清晰同易用。
💰💸价钱：今日叫左2碗4𩠌嘅米线，2个小食同饮品，埋单都只系$200左右，3个人平均每人都系$70，呢个价钱食到呢个质素，一定系抵食夹大件。
🐲💬总结：我见呢间米线平时lunch时间通常都爆场，夜晚亦有好多人买外卖，如果唔系质素有返咁上下都唔会有咁多人支持，我觉得佢价钱抵，质素又唔错，推介大家可以嚟试下，起码唔洗成日食嚟食去都系谭仔先。
推荐指数：❤️❤️❤️❤️❤️
四𩠌芽菜底
1 浏览
0 赞好
0 留言
四𩠌红薯粉
0 浏览
0 赞好
0 留言
孜然凉皮粉
$27
10 浏览
0 赞好
0 留言
蒜泥白肉
$27
1 浏览
0 赞好
0 留言
张贴
