香湘辣妹 (已結業)

今日同一位爱食辣的朋友食湘菜，到红磡呢间湖南私房菜。门面带点新朝菜馆，可能铺名叫Spicy girl 有关。餐牌好多食物相，唔需要估，就点了有相的特别菜色，先叫凉拌配菜，激麻辣海带丝，菜名叫断了的弦，有心思的菜名爽口冰凉，有不同味觉享受。再叫了凉伴木耳，餐牌写住黑色幽默，被个名吸引了而叫的，有黑醋调味，果然爽脆开胃。有连炉上的干锅田鸡$128，热辣辣，田鸡超弹牙，有刺激的青椒辣椒，一路有炉热住，香气扑鼻，食落有啲抢喉添。再叫了湘菜必选手抓羊排$148，香料味浓，惹味，羊肉有质感，带点脆口，用手一支支咁食，名乎其实手抓住食。。最后未饱叫埋个窝窝头$48，用脆卜卜的菜蒲及微甜梅菜酿入饱内，唔会太咸。埋单二百几蚊，有咁多碟菜色，价钱合理呀！