影片
更多
2021-08-31
141 浏览
呢晚喺红磡走，想揾啲嘢食咗先返屋企，但已近夜深🌒，无几多间舖开，竟然行行吓闻到阵烧烤香气，原来系来自「德利美食」。我多数日头先经过芜湖街，所以一直都唔知呢个位有餐厅。小店主力做外卖生意，但佢都摆咗张枱出嚟比客人即场拮两串食吓。即使炎夏晚上坐喺街边，但佢开行把大风扇，都略感凉快😚。店员友善，叫我哋慢慢拣，谂到一串都可以落住单先，等佢哋烧住先，咁就唔驶等太耐👍。串烧种类包括肉、丸、蔬菜同埋海鲜，价钱正常。1️⃣蒜香烧扇贝($60/2只)，扇贝好大只，肉味鲜甜，用蒜蓉调味，烧至金黄色，底部仲有啲粉丝索汁添🤤。2️⃣蒜香烧鲍鱼($35/只)，鲍鱼连壳烧，品种算比较迷你，肉质有少少韧，但都好难避免嘅。3️⃣纽西兰羊架($38/件)，羊架同样比较细件，但生熟度刚好，而且仲好香孜然味添，羊肉味亦唔膻。4️⃣烧秋刀鱼($30)，秋刀鱼长长一条，烧完散发住鱼香，鱼肉结实。5️⃣烧翠玉瓜($12)，翠玉瓜好甜、好多汁。6️⃣鸭舌($25)，第一次食鸭舌，原来系好似凤爪咁有啲骨要噒，几得意。7️⃣烟鸭胸($23)，鸭胸肉嫩入味，好食。8️⃣蜜糖烧菠萝($20)，菠萝好大件，原个切件。佢本身甜，再加埋蜜糖烧，甜上加甜🍍，正。总括嚟讲，如果喺
呢晚喺红磡走，想揾啲嘢食咗先返屋企，但已近夜深🌒，无几多间舖开，竟然行行吓闻到阵烧烤香气，原来系来自「德利美食」。
我多数日头先经过芜湖街，所以一直都唔知呢个位有餐厅。小店主力做外卖生意，但佢都摆咗张枱出嚟比客人即场拮两串食吓。即使炎夏晚上坐喺街边，但佢开行把大风扇，都略感凉快😚。
店员友善，叫我哋慢慢拣，谂到一串都可以落住单先，等佢哋烧住先，咁就唔驶等太耐👍。串烧种类包括肉、丸、蔬菜同埋海鲜，价钱正常。
1️⃣蒜香烧扇贝($60/2只)，扇贝好大只，肉味鲜甜，用蒜蓉调味，烧至金黄色，底部仲有啲粉丝索汁添🤤。
2️⃣蒜香烧鲍鱼($35/只)，鲍鱼连壳烧，品种算比较迷你，肉质有少少韧，但都好难避免嘅。3️⃣纽西兰羊架($38/件)，羊架同样比较细件，但生熟度刚好，而且仲好香孜然味添，羊肉味亦唔膻。
4️⃣烧秋刀鱼($30)，秋刀鱼长长一条，烧完散发住鱼香，鱼肉结实。5️⃣烧翠玉瓜($12)，翠玉瓜好甜、好多汁。6️⃣鸭舌($25)，第一次食鸭舌，原来系好似凤爪咁有啲骨要噒，几得意。7️⃣烟鸭胸($23)，鸭胸肉嫩入味，好食。
8️⃣蜜糖烧菠萝($20)，菠萝好大件，原个切件。佢本身甜，再加埋蜜糖烧，甜上加甜🍍，正。
总括嚟讲，如果喺红磡想食返串串烧做宵夜，可以嚟呢度帮衬🍢。我全部串烧都要咗少少辣，食落香口惹味。我知附近系有一间几出名嘅同类型串烧店，但德利都未必输蚀过佢。
张贴
