影片
更多
2019-09-26
99 浏览
从来唔写食评嘅我，今日下午3点同朋友打算去黄埔花园附近揾嘢食，但经过呢间私房牛肉面比个姐姐叫停，佢话新开张话味道独一无二叫我地试吓仲话有学生证可以打九折，见个姐姐咁热情就入去试吓啦，入到铺内已经闻到好香嘅味道，我叫咗个三宝台湾面加杯冻柠茶$68，我朋友叫咗个午市鳗鱼拉面套餐，条鳗鱼真系成条上😱 上面仲洒左劲多木鱼，仲有前菜三款，中华沙律，螺肉，拍青瓜包杯热奶茶$65，个拍青瓜我同朋友都觉得超爽脆味道都几特别，上台时候个卖相超靓，我地就知冇入错舖头，我朋友仲劲影相，准备要食时另外一个姐姐好有礼貌咁同我讲解佢地个汤底，原来佢地用左韩国黑蒜要先将汤同黑蒜搅匀先饮啖汤，果然味道真系同外面食嘅牛肉面好与众不同，劲香，我叫嘅三宝台湾面有金钱肚，牛肋条，卤肥肠，份量超大，个姐姐听到我问系唔系牛腩？佢即刻同我解释佢话佢哋系用牛肋条，我都系第一次食牛肋条果然同牛腩有好大分别，入口好软好嫩滑无出边啲牛腩咁鞋口，我同朋友连个汤都饮晒，最后个姐姐介绍佢地个招牌甜品：玫瑰冰粉新张试食价$12蚊，有好香嘅玫瑰花味上面仲有d水果，埋单$145，呢间私房牛肉面系我暂时食过最好味嘅一间牛肉面店，真心话味道有惊喜价钱好平
张贴
