影片
更多
2023-06-15
610 浏览
📌 I's Corner - 红磡北拱街8号荟点地下1号舖🗓(15/6) 星期四 ⏰ 晚上6:30左右 💈特式：每日放工返屋企嘅必经之路原来有间专食汉堡，而且仲有做$278任饮任食嘅西餐厅，一直都无试过，今日经过就嚟试一试佢地嘅汉堡先。🥩🍔🌭🌮🥗🥯🥘🍲🍝🍣🥟🍤🍱食物：餐厅主打做汉堡，有成15款选择，价钱有平有贵丰俭由人，而且仲有其他限量供应嘅食物选择，而家等我同大家讲下🍔味道先。菠萝炸虾汉堡 $98 - 个汉堡会配埋薯条同餐饮，我最近都有食过M记推出个菠萝炸虾堡，但呢度个炸虾堡比M记𠮶个好食N倍。首先，个汉堡size又大又厚身，块包又松软同好有小麦香，汉堡馅料系即叫即做，上枱热辣辣，感觉又特别新鲜，有新虾肉同炸虾，所以有两种唔同口感。餐配嘅薯条系好粗身嘅薯条，食落口感亦比一般幼身薯条好。日本海虾带子墨汁意粉 $128 - 呢个系限量供应，两只日本带子都几大只，仲煎得几香口，两只海虾就拆晒壳去埋虾肠，非常细心，墨汁意粉入面有埋墨鱼粒，墨鱼味好香，墨汁亦好浓郁。黑醋蜜糖鸡翼 $68 - 份鸡翼有6只，size都中规中矩，味道少少酸多多甜，小食嚟讲都几唔错，肉质亦都juicy嫩滑
🗓(15/6) 星期四 ⏰ 晚上6:30左右
💈特式：每日放工返屋企嘅必经之路原来有间专食汉堡，而且仲有做$278任饮任食嘅西餐厅，一直都无试过，今日经过就嚟试一试佢地嘅汉堡先。
🥩🍔🌭🌮🥗🥯🥘🍲🍝🍣🥟🍤🍱
食物：餐厅主打做汉堡，有成15款选择，价钱有平有贵丰俭由人，而且仲有其他限量供应嘅食物选择，而家等我同大家讲下🍔味道先。
菠萝炸虾汉堡 $98 - 个汉堡会配埋薯条同餐饮，我最近都有食过M记推出个菠萝炸虾堡，但呢度个炸虾堡比M记𠮶个好食N倍。首先，个汉堡size又大又厚身，块包又松软同好有小麦香，汉堡馅料系即叫即做，上枱热辣辣，感觉又特别新鲜，有新虾肉同炸虾，所以有两种唔同口感。餐配嘅薯条系好粗身嘅薯条，食落口感亦比一般幼身薯条好。
日本海虾带子墨汁意粉 $128 - 呢个系限量供应，两只日本带子都几大只，仲煎得几香口，两只海虾就拆晒壳去埋虾肠，非常细心，墨汁意粉入面有埋墨鱼粒，墨鱼味好香，墨汁亦好浓郁。
黑醋蜜糖鸡翼 $68 - 份鸡翼有6只，size都中规中矩，味道少少酸多多甜，小食嚟讲都几唔错，肉质亦都juicy嫩滑。
炸鸡软骨 $58 - 西餐cafe有炸鸡软骨食都几特别，所以都特登叫嚟试下，佢又竟然做得几好，比好多日式居酒屋仲好食，热辣辣又酥脆，仲唔会过份油，再配埋他他汁，真系一粒接一粒食唔停。
☕️🍵🥤🧋🍺🍷🥃🍹🧉🍾🍶🥛
饮品 : 餐饮就拣左一杯美式咖啡同一杯洋甘菊茶，咖啡质素好唔错，够香浓，入口又清又滑，最重要系佢果酸味唔会太重；洋甘菊茶一上枱就闻到好香，饮落仲好清新解腻，餐后饮嚟清一清油腻感一流。
🍽环境：餐厅面积就唔算好大，但枱椅选料同摆放都比人感觉舒适，装修就用上水泥墙风格，而家墙上亦有不少有趣布置，亦有个语录黑板写上勉励嘅语句；窗外嘅景色望出去亦都好靓。
🤵🏻🤵🏻♀️🤵🏻♂️服务：餐厅职员态度好好，好有笑容同好有礼貌，介绍menu时亦好仔细详尽，比人感觉都轻松舒服。
💰💸价钱：今日一个汉堡餐，一个墨汁意粉同两个小食，埋单都系$400左右，对比起正常西餐厅收费，佢地都算得上系街坊价位。
🐲💬总结：其实见佢墙上嘅餐牌仲有好多限量供应嘅食物我同朋友都想试，所以我下次经开都会想再嚟试埋佢其他出品，或者会直接试佢地个$278两小时任饮任食。
推荐指数：❤️❤️❤️❤️🤍
菠萝炸虾汉堡
$98
21 浏览
0 赞好
0 留言
日本海虾带子墨汁意粉
$128
17 浏览
0 赞好
0 留言
黑醋蜜糖鸡翼
$68
9 浏览
0 赞好
0 留言
炸鸡软骨
$58
8 浏览
0 赞好
0 留言
美式咖啡/洋甘菊茶
10 浏览
0 赞好
0 留言
张贴
