容記小廚

营业中

休息中

在土瓜湾附近工作后，经过见到有间新开嘅小店，于是决定跟同事去试吓。呢晚叫咗以下菜式:红萝卜薏米冬瓜汤- 坐低店员就送上免费老火汤，饮落足料又消暑，很有诚意。咸蛋蒸肉饼 - 肉饼多汁弹牙，食落一啲都唔会肥腻，加上咸香嘅咸蛋黄，好𩠌饭。招牌碌鹅庄 - 呢碟𩠌果然系招牌，鹅肉炆得鲜嫩入味，食到阵阵鹅油香，仲有爽脆嘅鹅肾，炆得入味嘅鹅掌鹅翼，个汁似甜甜哋嘅豉油鸡汁，食到停唔到口。椒盐猪扒 - 椒盐猪扒很惹味，一啲都唔柴，唔错。菠萝生炒骨 - 生炒骨外层炸粉上得唔厚，但做到薄脆挂汁，再加埋三色椒同菠萝，味道酸酸甜甜，好开胃。蜜椒鳝球 - 鳝球炸得香脆，鱼肉爽脆鲜味，完全无腥味，配上香甜嘅蜜汁，食完一件又一件。冻柠茶 - 有几片厚切柠檬，加上香浓嘅茶底，而家真系唔多餐厅提供呢类高质柠檬茶。绿豆沙 - 味道少甜又足料，清热之选。餐厅虽然系街坊小店，但所有出品都好有诚意，食材新鲜，味道很不错，加上店员有礼殷勤，绝对是encore之选。