漁樂鍋 (已結業)

劲正既海鲜鸡煲，同女朋友黎到红磡，经过见到门面好光鲜，门口仲有啲报导话平价亲民，一于入去试下。叫左个海鲜鸡煲，都几多料，仲有桶蚝，一碟四只，劲大只，煮到熟左都唔会缩水，同埋贵妃蚌，唔腥，够新鲜。本身仲想试下佢既象蜜蚌，可惜要提早预订先有，下次再黎既话一定会早啲订。入到去果阵冷气比较大，但系同店员讲左之后，即刻调细个冷气，态度亲切。至于价钱方面，唔可以话超平价，剩系鸡煲都二百几蚊，但系我会话物有所值。日后黎开红磡会再黎食。