原作養生湯米線

营业中

休息中

毕业之后就好少再黎黄埔食野，估唔到依度开左好多好正既餐厅。平时成日出街食会比较油腻，见到依间主打养生米线，汤底用原材料熬足8小时既餐厅就好想试一试。餐厅设计系以白色墙搭配木系家俱摆设，并挂上一盏盏吊灯，灯光柔和，营造出一种温馨又舒适既氛围～除左米线，依度既食物种类都有好多款，例如：泡饭、鸡汤及小食等，睇得出店主对食材非常讲究，用心制作每道菜。❀ 虫草花胶鸡汤米线一上枱就见到满满既配料。鸡肉好嫩滑，肥美多汁，仲有三大块花胶，煮得好腍又够入味，再加上大量既虫草花，真系好足料！鸡汤味浓郁，而且好鲜甜，唔会太咸及太油，饮晒成碗汤都唔会口干，证明汤底无落味精，原汁原味。而米线都几弹牙，好挂汤，味道唔错❀ 原只红虾龙皇汤泡饭估唔到主打米线既餐厅，连泡饭都煮得咁出色。依个汤底系由新鲜虾肉及龙虾肉经长时间熬制而成，味道非常鲜甜，浓得黎又唔会稠，好有惊喜，忍唔住成碗饮晒。泡饭加左澳洲脆米，好香又有口感。而配料都好丰富，有红虾、带子及蚬，当中特别中意红虾，非常鲜甜。❀ 桂花蜜糖鸡翼老板推介既小食，味道真系唔错。鸡翼外脆内嫩，而桂花蜜糖份量好多，夹埋鸡翼食好正，香甜可口～❀ 洛神花茶❀ 柠檬金桔柠檬金桔味道