咕咕雞 (已結業)

又系2人世界时间，今日决定去红励食韩国野，经过一间小店，因为座位唔多，所以都要等左一阵先入到。晚餐时间有三款小食，芽菜、泡菜和黑豆，唔知系咪配合香港人口味，泡菜唔算好辣。两个人叫左2个主菜同2个小食，已经好足够。光阳牛肉饭同日式牛肉饭唔同，感觉清少少，冇咁浓味，外表唔系好吸引，好似无咩味道，但牛肉好嫩，因为味道唔浓，反而好易入口。泡菜猪肉汤配白饭泡菜味够，但辣味就同出面既韩式餐厅唔同，可以讲系小小辣程度，所以连汤都饮埋，豆腐好滑，配埋饭就一流，如果猪肉可以多返D就更加好啦。韩式甜酸鸡球鸡粒算好大粒，味道都好好，甜同酸味较得好好。呢个绝对可以encore.辣腌八瓜鱼紫菜卷我本人对紫菜卷好有好感，特别韩国嘅，呢度整到细细卷，2啖就食晒，配番腌好左既八瓜鱼一齐吃，别有一番风味。