Armani / Aqua (已結業)

结婚周年纪念日，因小朋友前一晚突然生病而计划全乱，熬夜之后残晒嘅两公婆临时决定揾间餐厅食个lunch当庆祝就算。两点几打比餐厅话有枱，就系佢啦。呢间餐厅主打Italian + Japanese Food，于是我同先生决定一人拣浪漫热情嘅意式，一人食稳妥细致嘅日餐。正是红与黑嘅经典组合。食到最后当然要甜甜蜜蜜收场。听Waiter推荐点著个拼盘，讲真，真系中伏，得个靓字。红丝绒蛋糕紧实粗糙，朱古力Brownie内嵌焦糖粒粒，唔脆又过甜。个Tiramisu同绿茶布丁就算正常，但都唔算出色。唯独块牌背后嘅覆盆子，非常鲜甜多汁，力挽狂澜。总体食物质素都算上乘。服务态度有待提高，其实一开始都几好，后尾转左个waiter，影相埋单都非常冷淡唔客气，礼貌欠奉，少少扫兴。不过算啦，身边有暖心人，哪怕世人冷淡又何妨。