川聚緣

营业中

休息中

唔知你最钟意咩颜色呢？红色唔容易系我身上见到，但我偏偏最钟意川菜嘅赤红色，香辣惹味，顿时令我胃口大开。隔咗一段时间，𠮶种麻辣瘾又返嚟，嚟到油麻地嘅川聚缘，投入川菜嘅红色麻辣世界。串烧前菜小食先由串烧开始，分别叫咗牛肉串烧、羊肉串烧同鸡软骨串烧。调味嘅味粉适中，唔会太多香料而盖过肉味。而我哋最钟意就系口感一流嘅鸡软过，非常香口弹牙。香辣烤海鲈鱼钟意食鱼但又骨？所以店员就推介海鲈鱼。海鲈鱼先煎香外皮，再放上去炉上炆煮，令香脆嘅鱼皮同鲜滑嘅鱼肉形成强烈对比。味道方面，海鲈鱼越煮越入味，越入味就越辣，非常刺激惹味。配菜方面已经有薯仔片、大豆芽、红薯粉等，够晒入味之余，整体份量十足。