紅蔥頭

营业中

休息中

今日去开深水埗个头，就顺便系呢间红葱头食个午餐先走。餐牌有厨之推介，特餐，品味新尝。今日一支公，求其叫左个汉堡包餐。烤美国安格斯汉堡伴炸薯条 $79 烤美国安格斯汉堡伴炸薯条用块木板上枱。烤美国安格斯汉堡用竹签固定，上下两块面包都满布白芝麻粒，虽然唔脆，不过好香同松软。中间安格斯汉保扒好厚身，煎得全熟不过够腍又唔干，就咁食就油腻少少，所以有番茄片同生菜加少少沙律酱就可以平衡返。炸薯条系粗身，足有20几条，我叫左走盐，食落啖啖淀粉质。另上茄汁比你点。加$6可以加配欧陆式浓汤+牛油法包。欧陆式浓汤系罗宋汤，有好多菜，包括梛菜，红萝卜，红辣椒，洋葱，牛肉粒。个汤都辣辣地，好开胃！块牛油法包香脆，上面加左蒜蓉酱，味道几好呀。鲜橙汁 加$3个餐包咖啡或茶，或加$3有冻饮，汽水或鲜橙汁。我叫左鲜橙汁，真系有粒粒橙肉，味道又唔会假。整体而言，食物有细个学生餐既感觉，食完真系非常之饱。