影片
更多
2021-10-04
161 浏览
今日请咗假，趁仲有得二人世界嘅时候试吓新嘅餐厅。今次拣咗位于K11 MUSEA嘅小型西餐厅，因为喺网上见到佢有红虾意粉🤣身为红虾意粉迷，点可以唔试！Lunch set未加一$268/位，但如果要食红虾意粉或其他要加钱嘅意粉，就大概加多$68到$98一位。我觉得以价钱来讲，尚算合理，所以就走咗去试。餐厅环境一入到去比我想像中细好多，基本上大概坐到10几个人左右，我谂佢平时系做party room俾人包场嘅多🤣而且餐厅内系完全冇窗，餐厅嘅场就用咗啲LED Mon，会播出一年四季嘅画面，感觉几新奇。食物方面，因为餐厅比较新，我发觉openrice上面嘅食评都好似打手咁(纯粹个人感受🤣)，所以其实都唔系抱好大期望。最后都系决定为咗个红虾意粉自费嚟试吓😛抱住50 50嘅希望，祈求唔好中伏。平日黎到叫咗set lunch，有面包，头盘，小食，主菜同甜品，加餐饮。事不宜迟，即刻逐道菜点评一下。面包: 蕃茄Parma ham面包上碟嘅时候好精致，用一个饰物盒装住两旧面包，面包应该系法包切皮，上面放咗蕃茄仔，同埋1块2 cm ×2 cm大小既Parma ham。老实讲味道就普普通通，而且ham真系少得可
Lunch set未加一$268/位，但如果要食红虾意粉或其他要加钱嘅意粉，就大概加多$68到$98一位。我觉得以价钱来讲，尚算合理，所以就走咗去试。
餐厅环境一入到去比我想像中细好多，基本上大概坐到10几个人左右，我谂佢平时系做party room俾人包场嘅多🤣而且餐厅内系完全冇窗，餐厅嘅场就用咗啲LED Mon，会播出一年四季嘅画面，感觉几新奇。
食物方面，因为餐厅比较新，我发觉openrice上面嘅食评都好似打手咁(纯粹个人感受🤣)，所以其实都唔系抱好大期望。最后都系决定为咗个红虾意粉自费嚟试吓😛抱住50 50嘅希望，祈求唔好中伏。平日黎到叫咗set lunch，有面包，头盘，小食，主菜同甜品，加餐饮。事不宜迟，即刻逐道菜点评一下。
面包: 蕃茄Parma ham面包
上碟嘅时候好精致，用一个饰物盒装住两旧面包，面包应该系法包切皮，上面放咗蕃茄仔，同埋1块2 cm ×2 cm大小既Parma ham。老实讲味道就普普通通，而且ham真系少得可怜🥲所以都系冇乜特别。
蕃茄Parma Ham面包
1 浏览
0 赞好
0 留言
头盘: 牛油果沙律 or 蘑菇汤(2拣1)
牛油果沙律嘅牛油果份量唔多，应该得三四小片，另外仲有啲橙蕃茄仔，同埋青苹果薄片。至于dressing 方面就用咗少少酸嘅香醋，食落去几refreshing，不过就完全食唔出有牛油果🤣成个沙律味道都OK，但称唔上好好食。正常。
牛油果沙律
11 浏览
0 赞好
0 留言
蘑菇汤似系用蘑菇同奶油打出嚟，上面仲有一阵奶油泡沫同一块蘑菇薄片，之后再配一条toast。toast 烤得几脆，蘑菇汤都正常，唔会太咸。对比起沙律来讲，汤比较好饮。
蘑菇汤
2 浏览
0 赞好
0 留言
小食: 香煎小鱿鱼
小食反而有惊喜，餐厅用咗一个好热嘅铁锅，装住啱啱煎起嘅小鱿鱼。小鱿鱼用蒜片同牛油加香草一齐煎，配左几条干辣椒，热辣辣上枱，非常香口，几好食。
香煎小鱿鱼
1 浏览
0 赞好
0 留言
主菜: 红虾意粉 or 海胆鲍鱼炒意粉
红虾意粉味都唔错！比想像中好食😋蕃茄同龙虾汤汁嘅调配恰到好处，酸酸甜甜嘅蕃茄味，加埋虾膏嘅香味，食一口绝对会令人再想食多啖，而且咸味适中！意粉嘅质感都唔错，有咬口得来又唔会太硬。唯一缺点就系红虾嘅份量比较少，只有一只完整嘅虾，同埋零零碎碎嘅虾肉。不过呢个价钱呢个份量都系算成正比嘅。红虾意粉推介大家可以嚟试吓！
红虾意粉
1 浏览
0 赞好
0 留言
海胆鲍鱼炒意粉: 呢个主菜相对地冇红虾意粉咁出色，意粉都系属于有咬口嘅，不过调味方面就只系得咸味同埋油，欠缺酱汁嘅味道。而鲍鱼就被切成薄片，虽然冇乜特别味道，质感就有啲似鱿鱼，但都睇得出系鲍鱼嚟嘅。而海胆都算新鲜，不过就只有一小块。
海胆鲍鱼炒意粉
2 浏览
0 赞好
0 留言
甜品: 柠檬苹果Moose
呢个甜品卖相非常特别，出边系一层好薄嘅柠檬味白朱古力，入面包住柠檬味moose同埋苹果肉。柠檬味Moose酸酸甜甜口感似雪糕，加埋白朱古力又几好食㖞。如果钟意再酸多少少，连埋苹果蓉一齐食更加有特色。呢个甜品我钟意！
另外餐饮都系柠茶柠水咖啡奶茶😂呢个就唔多讲啦。
柠檬苹果Moose
2 浏览
0 赞好
0 留言
总括而言，今次自费食新餐厅都算冇中伏😂红虾意粉我觉得系性价比高嘅。比起系铜锣湾食过果间抵食好多😂如果budget唔系太高嘅朋友仔可以黎试吓。不过呢度有个缺点，就系上菜超级超级慢😂😂12点嚟到坐低咗半个几钟先有第一个面包上枱🤣建议如果系赶时间嘅千祈唔好嚟。同埋餐厅比较细，环境唔系几开扬，不过餐厅整体都系企企理理既。但楼面侍应成日都唔见人😂始终新餐厅同埋营运比较细，大家就将就吓啦。
至于会唔会返兜，呢个就短期内应该未必啦，我会想继续explore下其他餐厅先😆但系性价比来讲，呢度真系算唔错！
Price: weekday set lunch ($740/2pax.)
张贴
