牛奶冰室 (寶石大廈)

营业中

休息中

牛奶冰室相信好多人食过，其实都唔使多介绍，今日同未食过呢间冰室嘅朋友试咗佢哋嘅下午茶，大家都觉得几唔错。荃湾宝石大厦呢间分店长期都客满，尤其是下午饭时分，下午茶都要等一阵。啲侍应姐姐礼貌都几好，但人手有时唔系好够，而家转咗手机落单系统就好少少。朋友仔仔叫咗一份红豆西多士，切开原来系三块面包，每层中间都有花生酱，红豆甜而不漏，食开牛油西多转下口味都唔错。我自己就叫咗个迷焗意粉，芝士控大爱，份量少少，过下口瘾就够。新出有一款面食系鱼肉春卷花甲配粉丝或米线，唔记得影相，我自己就几钟意，花甲数量好多，但由于里面都几多黑椒，食嘅时候都要好小心挑返出嚟，有点麻烦，整体味道系唔错的。