哈欠

营业中

休息中

我即将要离开长沙湾呢个工作左5年嘅地方，喺离开之前要食番餐好嘅!! 😎公司附近开左间文青café小店，布置得唔错，入到去感觉休闲。我D同事全部都拣炸鸡扒配窝夫，但自己减紧肥，食多D蛋白质之余，又唔可以食太多炸野，所以最后拣左款含蛋量比较高嘅餐。蟹肉蟹粉滑蛋墨西哥夹饼 夹饼热食果阵仲有少少干脆，但冻左就会变韧少少，特别下面果块，痴住张牛油纸实一实😂食落蟹肉蟹粉唔会好明显，要细赏之下先FEEL到。蟹粉无好腥，不过称唔上好味。我个人麻麻地呢个组合😅，蛋亦唔够蛋香。红豆Latte(热)反而呢度嘅Latte好好味!! 虽然无红豆粒、亦无红豆沙沙，不过饮落好有红豆香，唔甜之余，仲有少少苦。🤤个人会因为咖啡而再嚟。甜品是日甜品系Oreo蛋糕，平时我唔食cream，因为多数都好甜、好香精，但呢度嘅cream好有奶味，而且唔会好甜，不过食完油腻感都几重架!!整体环境舒服，职员有礼貎，咖啡好饮，食物就唔系我杯茶。