我愛慢煮 (孖沙街) (已結業)

今日收工好开心，因为有得食我爱慢煮！本身就几钟意慢煮嘅食物，特别保持到水份同原味。今日就黎左孖沙街呢间，门口已经有霓虹灯牌，好有feel!呢度楼高两层，落单后就可以坐低，有专人送餐。重要嘅嘢要讲多次，呢度系无加一，无加一架！呢个地段都算难得～我同朋友今日就拣左一个前菜、两个主菜、两杯饮品，一个甜品。芝士温泉蛋大啡菇（$36）大啡菇好够水份，上面嘅半熟蛋亦超流心，好有视觉效果！法式油封鸭髀（$118）鸭髀都几大只，系平时鸡髀嘅size，肉质比我之前系法国餐厅食嘅更滑，但因为脂肪较低，就未至于鸡髀咁滑。安格斯西冷牛扒（小）（$138）西冷黎讲呢块扒算做得嫩口，冇乜筋，牛味保持得唔错。而且一路切，一路望住肉汁流出，好juicy~慢煮红酒梨配意大利雪糕（$38）慢煮红酒梨好特别啊！第一次食有红酒味嘅梨，酸酸甜甜，配上嘅系顺滑嘅云尼拿雪糕。水果茶（冻）（$35）、西柚青柠特饮（$38）水果茶有龙眼、橙仲好似有啲雪耳嘅口感，味道清新又自然！朋友呢杯个样亦唔错，味道唔会太甜。