麵屋武蔵 (新鴻基中心) (已結業)

某日红雨走咗入湾仔一间拉面店，叫咗两碗面同两个小食。如果要食呢间，建议食沾面～🔸白武骨沾汁面 $79 钟意拉面多啲嘅我叫咗白汤沾面，有两大块薄切叉烧，偏瘦，面条嘅口感唔错，最好食系溏心蛋，可惜汤汁唔够热，拉低白武骨汤同沾面嘅整体味道。▫️🔹蕃茄叉烧拉面 $85朋友觉得蕃茄汤拉面唔系间间有就叫嚟试下，有淡淡嘅蕃茄味，面条有啲似粗身同硬身少少嘅公仔面。▫️拉面店通常只有炸鸡同饺子等小食，呢间就有成10样小食，所以我哋拣咗好耐，最后拣咗应该点都会好食嘅炸鸡同好少喺拉面店食到嘅比目鱼黄金烧！🔸武藏炸鸡(芥末酱) $38店铺推界嘅炸鸡淋咗好多芥末酱，唔太辣，炸得啱啱好，外皮金黄色，鸡肉嫩滑有肉汁，几好食！🔹比目鱼黄金烧 $48有好多焗芝士喺面，肉质好似熟三文鱼。