咖啡弄 (已結業)

去开铜锣湾，就紧系要来呢度朝圣下。虽然开左好耐，但一直都听人话要排队，所以依家先来。今日红雨，我谂应该少人啲挂 11点50分左右去到，见有人排队。无几耐就开始安排入座，好在我地都入到 入面环境几好，好舒服，唔迫！侍应有啲系台湾人，唔识讲讲东话的。得90分钟用餐时间，我地好快手就拣好食物。我唔钟意食草莓，所以无拣推介的草莓松饼。系焦糖同芝麻两者之间，选了后者。第一嚿都觉得ok, 有外脆内软的感觉。加埋芝麻雪糕，好正 但第二嚿可能冻左，已经唔好食。而且碟野仲有嚿栗子蓉，好甜，放弃了！水果茶系揾橙汁冲的，不是茶！饮第一啖有啲酸，饮饮下就习惯了。黄金砖我见佢写限量，所以就order左。千层的，外面好胆，里面冻冻的，几好食！食完两样甜品就饱了，但我觉得我地叫错野！见到隔离的咸食，全部都好似好好食咁，好后悔无叫到三文治或者牛角包 为有下次再试过 之后我地坐到够晒钟都无赶我地走👍🏻，不过我地都自觉交枱，因为出面仲有人排紧队！