紅館 (海堤街)

营业中

休息中

原来鲗鱼涌咁多小店，好多嘢想食，撞正放饭时间间间舖头都好多人。由于好想食辣野就拣咗呢间巷仔嘅小店。佢舖头唔算大，但晏昼时间都坐满左人，而落完单之后可以自己喺收银隔离拎餐具。重庆水煮 （龙脷柳/牛肉/羊肉/蔬菜）$73可能主打嘅关系，款式都比较多，平日可能得一款至两款。一嚟到见到佢好多大辣椒同埋偏红，但佢唔系想像中咁辣，个味几开胃，食完一块又一块，难怪佢呢度有得买自己嘅辣油，啱食嘅可以买一樽返屋企。红油口水鸡 $70又系满满辣椒嘅口水鸡，我钟意佢嘅味，又系食完一件鸡又一件，绝对唔好俾佢啲辣椒吓亲，其实冇想像中咁辣，至少我食得晒成碗鸡，仲食晒佢嘅花生。招牌麻辣大波波鱼蛋 +$6午餐时间可以加$6要一粒，佢出到嚟真系真系长洲大鱼旦嘅size，都几弹牙。大红袍 +$9都系午餐时间可以加钱换，如果唔系就$12一支整体来讲去都系好食，如果喺鲗鱼涌系值得食呢间，我觉得好开胃，好啱我口味。