影片
更多
2010-05-02
25 浏览
全中国首间曼联主题餐厅，呢个星期日5月2日就会在香港正式开张营业，比起上海店仲要早。一上到去就会见到曼联球会嘅威水史，睇返领队费格逊原来不经不觉已带左红魔24年，佢嘅丰功伟绩，大家都可以呢度睇到～墙上除左挂满历代曼联球星照片外，餐厅中间有一个以费sir为主题嘅角落，坐上面可以望晒全间餐厅，就好似领队平时要一眼关七，正好切合呢个位置，有趣！讲完返呢度嘅食物，午市餐牌设计虽简单但几有特色，五款餐以球员排阵形式列出，几有心思。而晚餐餐牌就更加特别，望落成本足球杂志咁。其实入面除左有各种小食，主菜，甜品等餐牌外，更有多页介绍曼联新闻及球会资料，有兴趣的话放低$25就可以拥有～午餐有蒜蓉包，烘得虽然㶶左少少，不过咬落脆口，味道都唔错。餐汤系周打鱼汤，汤面加左几滴橄榄油点啜，卖相唔错，而且用料丰富，感觉绝对唔行货。主菜系呢个Roasted New Zealand Beef Tenderlion with Yorkshire Pudding & Gravy($108)，肉质口感好幼嫰，虽然略嫌咸左少少，但整体食味影响唔算太大，加上Gravy煮得很入味，唔错～Yorkshire Pudding一向都系
墙上除左挂满历代曼联球星照片外，餐厅中间有一个以费sir为主题嘅角落，坐上面可以望晒全间餐厅，就好似领队平时要一眼关七，正好切合呢个位置，有趣！
讲完返呢度嘅食物，午市餐牌设计虽简单但几有特色，五款餐以球员排阵形式列出，几有心思。而晚餐餐牌就更加特别，望落成本足球杂志咁。其实入面除左有各种小食，主菜，甜品等餐牌外，更有多页介绍曼联新闻及球会资料，有兴趣的话放低$25就可以拥有～
午餐有蒜蓉包，烘得虽然㶶左少少，不过咬落脆口，味道都唔错。餐汤系周打鱼汤，汤面加左几滴橄榄油点啜，卖相唔错，而且用料丰富，感觉绝对唔行货。
主菜系呢个Roasted New Zealand Beef Tenderlion with Yorkshire Pudding & Gravy($108)，肉质口感好幼嫰，虽然略嫌咸左少少，但整体食味影响唔算太大，加上Gravy煮得很入味，唔错～Yorkshire Pudding一向都系烤牛肉最佳拍档，食法系将Pudding切开，将伴碟青豆同Gravy塞入去，再将牛肉切成小块一齐食，感觉真系好英国式，黎呢到食真系fit晒～
另一款主菜就系呢个Seafood Stew with Creamy Dill Sauce and Mashed Potato($98)，卖相其实都几有趣...海鲜用料好多元化，有鲈鱼，三文鱼，带子，大虾等，配上略带白醋味嘅忌廉汁食落令人更加开胃！至于旁边果堆Mashed Potato几香牛油味，入口好滑，蘸鱼肉一齐食都唔错～
餐牌上见到有心太软($88)，我就算几饱都唔想错过。呢度心太软朱古力味较浓，蛋糕亦见水准，味道相当唔错。碟嘅云呢拿雪糕球旁边，有细细粒嘅新鲜芒果肉，入面仲混入少少香草碎，令人有清新感觉，不过呢份心太软最大缺点系贵得几过份，只此一次下不为例了...
张贴
