影片
更多
2011-11-08
67 浏览
不经不觉，曼联吧已经开咗年半，身为曼联嘅die hard fans，当然要捧场，不过来过几次，都只系饮啤酒，今日都冇例外。记得旧年年中开幕时，仲请咗効力曼联13个年头嘅「神奇队长」白赖仁笠臣（Bryan Robson) 专程来港主持开幕，以正视听，哈哈。当时，香港嘅曼联餐厅，系全亚洲第十间，至今，已经开到第十五间，听闻第十六间，将于我们的祖国---上海开办。一个红魔鬼logo，隐藏系黑色玻璃中，发出红色嘅光芒，好抢眼，好突出，树立系乐道中间。餐厅位于一楼，占全层，地方绝对唔细，地下则占用一个舖位，只得数百呎，辟作精品店，全部都是曼联官方纪念品，有球衣、运动袋、杯、文具等等，选择唔少。沿著楼梯上一楼，就系餐厅嘅位置，第一眼见到嘅，系一张曼联嘅赛车桶櫈，即系球员席𠮶d櫈，话唔定，呢张櫈当年系碧咸（Beckham) 坐过；系隔离嘅墙身，就挂有一件曼联球衣，只可惜呢件并冇曼联球星签名，比较失色。既然系曼联餐厅，当然系以红色为主调，而且并非油乳胶漆，而系包红色玻璃，加上整间餐厅嘅灯光都比较暗，并冇任何主灯，用上大量射灯，格调顿然高咗几班。大致上，全层餐厅可以分为三个部份，系楼梯附近，摆放咗几张c
记得旧年年中开幕时，仲请咗効力曼联13个年头嘅「神奇队长」白赖仁笠臣（Bryan Robson) 专程来港主持开幕，以正视听，哈哈。
当时，香港嘅曼联餐厅，系全亚洲第十间，至今，已经开到第十五间，听闻第十六间，将于我们的祖国---上海开办。
一个红魔鬼logo，隐藏系黑色玻璃中，发出红色嘅光芒，好抢眼，好突出，树立系乐道中间。
餐厅位于一楼，占全层，地方绝对唔细，地下则占用一个舖位，只得数百呎，辟作精品店，全部都是曼联官方纪念品，有球衣、运动袋、杯、文具等等，选择唔少。
沿著楼梯上一楼，就系餐厅嘅位置，第一眼见到嘅，系一张曼联嘅赛车桶櫈，即系球员席𠮶d櫈，话唔定，呢张櫈当年系碧咸（Beckham) 坐过；系隔离嘅墙身，就挂有一件曼联球衣，只可惜呢件并冇曼联球星签名，比较失色。
既然系曼联餐厅，当然系以红色为主调，而且并非油乳胶漆，而系包红色玻璃，加上整间餐厅嘅灯光都比较暗，并冇任何主灯，用上大量射灯，格调顿然高咗几班。大致上，全层餐厅可以分为三个部份，系楼梯附近，摆放咗几张coffee table，和一些矮櫈，感觉比较轻松，舒闲；近窗位置，仲放有一部飞标机；系另一边嘅角落，就系曼联嘅威水史---曼联历年荣耀，足足攞咗19次英格兰顶级联赛冠军，仲有4次双料冠军及1998-99年度嘅三冠王，隔离就贴咗几个曼联殿堂级球星，有舒米高（Schmeichel)，简东拿（Cantona)，杰斯（Giggs)，碧咸（Beckham)，李奥费廸南（Ferdinand)和朗尼（Rooney)，咦，点解冇C朗（Cristiano Ronaldo）嘅？
系威水史隔离，行入少少，就可以见到奥脱福球场（Old Trafford），哈哈，系一幅好长嘅墙纸，以奥脱福嘅看台做背境，好壮观，前面系一排卡位，一排过可以坐十几人，真系好长，喺呢排卡位前，仲有一个不锈钢架，上面仲挂著不锈钢网，好似龙门咁，非常有特色，呢个不锈钢网将奥脱福球场划分成一个半独立嘅包厢咁，有少少私隐之余，又可以感受到餐厅嘅气氛。
喺奥脱福球场对出中间嘅位置，就系水吧所在，沿著吧枱，放咗一排高吧櫈，方便客人坐吓饮杯嘢，系吧嘅背墙，仲挂咗一部大电视，我就最喜欢坐在这儿，可以对正部电视，非常写意；虽然水吧嘅范围唔系好大，但系非常骨子，吧背嘅下半部，系一列矮身雪柜，入面放满好多唔同牌子嘅啤酒，大部份都系英国入口，而且坊间比较少见，大部份都系$78一支；系雪柜顶，就放满唔同牌子嘅啤啤酒杯，俾客人饮生啤，生啤除咗一般比较多人熟悉嘅生力、健力士、嘉士伯、Boddington和Stella Artois之外、仲有奥地利Edelweiss和法国Kronenbourg 1664和Kronenbourg 1664 Blanc，$58至$63一杯；其他牌子嘅樽装啤酒，则一律索价$48一支；除此之外，仲有好多唔同嘅酒类，如红白酒、香槟、白兰地、威士忌、vodka、gin、rum、tequila等等；当然仲有几款以红魔鬼为题嘅鸡尾酒，如Fred the Red、the King Cantona、Babyface、David Beckham等等，全部鸡尾酒都系$58一杯。
再行入d，就系用餐区，中间有十几张方枱，两边就系卡位，系中间嘅最远处，就设置咗一部一百吋大电视，冇错，系电视，唔系投射影幕，投资不菲，但系一间以足球体育作为主题嘅餐厅，呢项投资系绝对唔悭得，其实整间餐厅，大大话话，都装有十几、二十部电视，真系坐系任何一个位置，都可以睇到红魔鬼嘅入球。
系左手边，有一个比奥脱福球场细一半嘅厢房，呢个厢房，我称之为费格逊厢房，因为呢个范围，贴满费格逊（Sir Alex Ferguson）嘅英雄事迹，由1986开始，费格逊（Sir Alex Ferguson）带领曼联夺取咗无数嘅锦标，更于1998-99年度勇夺三冠王，包括英超冠军、足总杯和传奇性地反胜拜仁的欧洲联赛冠军杯，成绩斐然。
系厢房两边嘅墙身，则挂满好多球星相片，有新有旧，好多都系历史性时刻，非常珍贵；置身其中，就好似去咗曼联展览馆一样。
坐返埋位，叫咗杯Edelweiss，杯身好高，但杯口不大，泡沫有一寸厚，滑，但唔够厚身，略稀，味道甘香，唔涩，比Hoegaarden味浓。
八点前系happy hour，买一送一，飮完Edelweiss，转咗杯Kronenbourg 1664，法国酿制，其实法国人嘅强项，当然系红白酒、香槟，至于啤酒，就⋯⋯一望𠮶杯，一定以为好冰冻，因为𠮶杯好似有一层簿簿嘅雾气，但当你一手握著只杯，就会发现，原来唔系雾气，系磨砂玻璃设计，予人一种冻冰冰嘅感觉，俾法国佬呃咗；Kronenbourg 1664嘅杯口比Edelweiss阔，所以泡沫都冇咁厚，哈哈，仲有d生果香味，而且有少少甜嘅感觉，几特别。
一个人饮咗两大杯，当然有生理需要，但系曼联未开记录，正在攻紧，点算？唔通要等完场先去解决？原来男厕入面有电视，唔怕睇漏眼，仲系安装系尿兜内，一定唔会睇唔到，只怕曼联入球时，一时过度兴奋，射咗过隔离，哈哈哈。
埋单$70有找，两杯啤酒，唔贵，如果唔系happy hour，$70一杯，就比较贵。张贴
