紅堂 (已結業)

一踏入呢间火锅店，见到全红黑装修设计，感觉时尚新潮。同时，Rock&Roll手势logo同damn It’s hot!口号又显十足玩味。座位和厢房之间，用木制透风屏风相隔，感觉又有少少典雅中国风。餐厅主打充满川渝口味麻辣火锅，自家制出品食材质素不俗！✔️鸳鸯锅$198（清油养生麻辣锅$168/东北酸菜白肉锅+$38 ）而家食麻辣锅会点鸳鸯锅，一辣一唔辣，平衡返。呢度鸳鸯锅收费系计算两个口味较贵口味价钱，另外收费$38。麻辣锅有好多原只红辣椒，又麻又香，入面仲有好多鸭血、蜂巢豆腐。令我爱不释手嘅系另外嘅酸菜白肉锅，果种清清甜甜又酸尾尾嘅味道，令人上瘾，最少饮咗四、五碗汤，白肉和酸菜份量亦唔少！✔️美国牛肩胛肉$228大块而薄身嘅牛肉渌熟之后口感软腍，充满牛味，同时吸收咗汤汁嘅美味！✔️蔬菜拼盘$98有椰菜、生菜、金菇、灵芝菇、南瓜、冬菇，每款份量少少，啱晒我呢种想食多几款蔬菜嘅人！✔️自家制三色饺$88饺子系火锅店自家制，质素唔错，每款饺子都塞满馅料胀卜卜！三款口味分别系麻辣和牛饺、黑松露虾蛋饺、韭菜饺。前2款比较特别，剪碎嘅和牛仍然好有口感，黑松露虾蛋口味好香、又弹牙！✔️紫菜响铃$68好大条，