京都薈

营业中

休息中

呢度前身系金殿，当时出品系正常既，价钱同款式都接受到但换左呢间之后，佢个装修令到成间酒楼望落去细左个多不特止，个地台仲震震下咁，唔知做过啲咩黎每次有人行过，有姐姐推过啲车仔，都好明显个地台系度震，食得好唔舒服 咁叫左佢地话系招牌既烧鹅，系可以既，但都无乜特别，接受到不过其他野食就真系差。椒盐鲜鱿同平时果啲个样完全唔同，食两野成个炸皮甩出黎，啲鱿又唔新鲜 跟住个菜煲仔啲菜好老，食到牙较都累。。。最后仲有个栗米斑块，腥腥地，都系唔好食美孚地方细细，一间ok既酒楼变左咁真系有啲唔开心，食左两次都系咁，短期内都唔会再黎了。希望过几个月佢会好啲啦，迟下再比个机会佢。