六榕仙館

营业中

休息中

由多人多车的佐敦道转入lee间纯朴的餐厅，忽然好似回到70年代。两层高，有卡位，门前有个counter卖糕饼，有个阿姐不断切外卖同堂食嘅斋卤味。斋卤味好热好新鲜，首推素鹅。腐皮有好多层，脆同有弹性。食得出佢地有心机清洁腐皮，将汁料一层层扫上腐皮面，再一层层包。所以无油味，入味又干身。第二好食系斋叉烧，唔会好咸，唔硬。酸斋好大件，吸左的汁，酸味度适中。罗汉斋炒面用料足。冬菇好大只。味道唔系好浓，清清地，好纯朴嘅味道。lee度无D新斋，无而家好HIT嘅斋鱼生同斋咖咕噜肉。只系做最传统嘅斋菜，简简单单，但用足心机同足料炮制。对面枱有两个僧人都系黎食，大家都好似习以为常。只有我觉得新奇吧。