話說昨晚和同事兩人見完客戶，工作到那麼晚，9點多鐘附近除了炒冰，也應該沒什麼好吃了。本來打算各自回家再煮東西吃的，誰知經過順豐隔離有間新開的小店。鋪面裝修很有味道，仿佛和兩旁的大廈入口和蛇鋪形成了很鮮明的對比。忍不住停步望了望，很簡陋的招牌，一個用毛筆寫的“稚”字。沒有華麗的射燈、沒有耀眼的裝飾，低調但仿佛更吸引到我的眼球。
好吧！就試試你。
入到小店，可能已經過了9點半，食野的客人不多，加上本身間鋪應該新開。由於個人喜好問題，本人比較喜歡看著人煮東西（哈哈，偷到師就最好啦
），所以直接拉著同事就坐吧臺。廚房裏面，就兩個年輕人，侍應係一個妹妹仔。侍應妹妹見我地一坐低就馬上遞上餐牌，並熱情招待，介紹鋪頭的招牌菜。本人有選擇困難症，聽了侍應妹妹的推介，點了半條鰻魚定食，同事堅持要試試個茶漬飯，之後我地加左個燒雞泡魚乾一起食。
我地就坐係吧臺，見到四眼哥哥收到order，馬上現成整，感覺好正。鰻魚係個鐵板度煎既時候，好香！四眼哥哥煮好d主食，跟住pass比個斯文白淨的拍檔，擺好曬就出得啦，我地有得食了~
1
（茶漬飯睇落去好似好易，但同事話重點係d茶同配料度，屋企自己整唔到甘好味，可惜了。）
大致上，我好滿意條鰻魚，平時食鰻魚最怕就係腥同多骨，哩條無。同埋唔知係咪四眼哥哥煎過條鰻魚，多汁得黎，層皮都好香脆。最驚喜係定食裏面的味增湯。平時d味增湯都好鹹，但系哩個味道剛剛好，而且裏面d豆腐好好食，一粒粒分明又唔硬好滑
四眼哥哥聽到我贊佢d湯，請我飲多碗，哈哈，正呀
茶漬饭都試左下，估唔到都好好味，紫菜和木魚片加上d茶好香，可以有下次。
之後試埋個魚乾，很好味的小吃，送啤酒一流。可惜四眼哥哥話未有酒牌住。。。
基本上店鋪好細，但係勝在簡單乾淨。食得幾舒服~ 途中四眼哥哥會問我地d野食如何，後來傾開計，才知道他和斯文白淨拍檔係老闆，先至20頭，好後生呀~
“點解鋪頭叫稚既？”
“無架~ 我和拍檔是中學同學，好簡單的夢想，就係一起拍住上，搞好哩間鋪頭，得閑同客吹吹水，整d簡單樸素但味道最淳樸的食物比大家。所以咪叫稚咯。可能我地幼稚掛？哈哈。。。”
食完出黎，望翻個招牌，突然好感概，係哩个樣樣講錢的社會，居然仲有兩個“幼稚”的90後在默默為簡單淳樸的理念而努力。值得支持！所以我都打出了人生第一篇食評。
（走的時候補上一張鋪頭的照片，剛好拍到四眼哥哥在好認真的清潔準備收鋪。）
