添財記粥粉麵咖啡 (已搬遷) 新店位置

0系九龙城最唔应该出街食饭0既钟数出街食饭, 见呢度有位就求其入了0黎. 天气太热, 搞到无晒胃口, 简单叫个皮蛋瘦肉粥 ($14) 加碟炸两 ($8) 就算.先0黎皮蛋瘦肉粥, 好大碗... 粥底少少稀, 一般绵, 不过配料 (皮蛋, 肉丝, 冬菜, 花生, 葱花) 够多, 味道可以, 食落唔口渴, 算系咁啦.炸两原来又系一大碟, 比起寻日0系德记的巨一倍! 肠粉一般薄, 不过都几滑; 入面的油条就愈食愈唔脆 (ie 食第一件, 油条仲有少少脆; 第二, 三件起就系腍的), 而且豉油实在落得好重手, 油条「入晒味」, 咸得不能接受. 唯一好处, 应该系可自助落甜酱及花生酱.环境几恶劣, 地下湿湿湿, 食具 / 餐牌黐笠笠, 唯有快快食完松人; 招呼就无乜特别.$22 食份量十足的一餐, 劲平, 不过感觉麻麻, 试过就算了.食完呢度, 唯一结论系: 下次都系返德记吧啦.