富臨(粵之味) (已結業)

约左人黎上环整啲野，未够钟就谂住去茶楼坐下，上环原来茶楼唔多，见到有间叫粤之味就试下啦，上到去原来系富临黎，哈哈，是但啦…烧鸭瀬，卖相真系扣哂分，虽然朋友钟意食肥，但可以排好少少嘛…炸两正正常常萝卜丝酥有惊喜㖞，上枱仲热，松脆萝卜丝咸咸地，几好味。乳鸽好平劲抵食，见隔离枱叫左一盘偷偷包走，哈哈。虾饺几爽口，唔错。炸云吞香脆，小朋友至爱。茄子又系超平，仲平过街边煎让三宝，味道正常啦，炸野无乜特别。生煎包…基本上无馅，哈哈，啲馅少到无味。鲍汁凤爪入味软腍，同伙计要求多花生佢又肯比㖞，正。炸蛋散几松脆，如果多糖更好。烧排骨几香玫瑰露味，甜甜地几好味吖。点心要求唔高其实都算几好味，但啲伙计态度认真麻麻，唔想受气就全部自助会轻松啲。