天然豚骨拉麵專門店一蘭

营业中

休息中

之前一直去开铜锣湾分店食，曾经有段日子，因工作关系间唔时会同旧同事收工去食宵夜，当时凌晨收工，餐厅选择唔多，唔系食串烧/泰国菜，有时落酒吧饮野，想食日本野时就会拣一兰。尖沙咀分店今次特登想去试下，门口见到原来有分「自修室」座位同普通餐厅形式座位，第一次体验非一兰传统自修室座位感觉好新奇！经楼梯落一层先要系自助机购买拉面，有啲似系日本食拉面小店门口先买飞仔嘅感觉，但出飞只系出普通热感机纸有啲失望，之后嘅体验仲奇怪！拎住张飞员工会指引你座位，再由楼面员工收走张小飞，同你讲远处有得自助斟水，听完心谂：下，平时铜锣湾店每个位都有个水龙头自己斟水架㖞！即系每次想斟多杯水饮都要带返口罩起身行过去斟……成个落单流程由比钱到坐低都好蠢，又唔系悭咗员工人手又唔系方便食客，完全唔理解点解要咁麻烦。讲返碗拉面同预期差唔多，另外加咗个豚肉比较咸，口感亦比碗内肉较鞋，下次唔会再嗌，更加唔会再去尖沙咀分店，都系比较钟意铜锣湾自修室座位特色，叫做食个回忆。