影片
更多
2021-10-09
902 浏览
朋友近年开始茹素💚，并且会积极搜罗边度有好味嘅素菜食。呢日同佢行中环街市之前，佢就带我嚟到「Root Vegan」食晏。佢话呢间系佢近嚟嘅食堂，平日食更加可选套餐，抵食啲。餐厅环境算几清幽，系繁忙市区入面嘅绿洲🌴，两面嘅玻璃窗渗透自然光，让室内光猛明亮，感觉舒服，系小清新嘅味道。素菜款式吸引，佢集合环球美食，中菜、西餐同韩国菜等一应俱全。我留意到唔少菜式都有加入辣嘅原素🌶，我哋就叫咗其中两款。红咖喱杂菜天贝配蒟蒻面($128)，🥘红咖喱色水偏深，辣度亦都唔嘢少，但食食吓又觉得有啲椰奶香。佢质感偏流质，所以系咖喱汤面，非捞面。蒟蒻面呈米白色，口感爽弹，不过并唔似芋丝𠮶种，反而似鱼面多啲。𩠌料方面，杂菜份量同款式惊人，菜，全部都系菜，而且仲好色彩缤纷添🌈！杂菜包括粟米笋、红萝卜仔、椰菜仔、西兰花苗、泰国茄子、车厘茄以及豆角等。另外，值得一提嘅系天贝Tempeh，我第一次接触呢样食材，听讲好有益㗎☺️。天贝系发酵食品，由黄豆制成，所以从外观可以见到一粒粒，口感同糯米糕类同，几得意。担担面($78)，呢碗素担担面嘅味道不比传统口味逊色🍜。汤底嘅辣味同麻味显著，花生味亦然，但佢就协调得几好，无令到
朋友近年开始茹素💚，并且会积极搜罗边度有好味嘅素菜食。呢日同佢行中环街市之前，佢就带我嚟到「Root Vegan」食晏。佢话呢间系佢近嚟嘅食堂，平日食更加可选套餐，抵食啲。
餐厅环境算几清幽，系繁忙市区入面嘅绿洲🌴，两面嘅玻璃窗渗透自然光，让室内光猛明亮，感觉舒服，系小清新嘅味道。
素菜款式吸引，佢集合环球美食，中菜、西餐同韩国菜等一应俱全。我留意到唔少菜式都有加入辣嘅原素🌶，我哋就叫咗其中两款。
红咖喱杂菜天贝配蒟蒻面
$128
58 浏览
0 赞好
0 留言
红咖喱杂菜天贝配蒟蒻面($128)，🥘红咖喱色水偏深，辣度亦都唔嘢少，但食食吓又觉得有啲椰奶香。佢质感偏流质，所以系咖喱汤面，非捞面。蒟蒻面呈米白色，口感爽弹，不过并唔似芋丝𠮶种，反而似鱼面多啲。𩠌料方面，杂菜份量同款式惊人，菜，全部都系菜，而且仲好色彩缤纷添🌈！杂菜包括粟米笋、红萝卜仔、椰菜仔、西兰花苗、泰国茄子、车厘茄以及豆角等。
另外，值得一提嘅系天贝Tempeh，我第一次接触呢样食材，听讲好有益㗎☺️。天贝系发酵食品，由黄豆制成，所以从外观可以见到一粒粒，口感同糯米糕类同，几得意。
担担面
$78
18 浏览
0 赞好
0 留言
担担面($78)，呢碗素担担面嘅味道不比传统口味逊色🍜。汤底嘅辣味同麻味显著，花生味亦然，但佢就协调得几好，无令到个汤太糊，所以食落唔腻。面条同食开嘅唔同，偏厚身同软身，但就淋得嚟唔算烂。❌🐷新猪肉Omnipork整成嘅肉碎口感Q弹，兼且索汁，几过瘾。此外，𩠌料仲有豆腐同香菇。
小店另外仲会自家制作甜品同包点🍞，并放置于玻璃柜。我哋要咗一件朱古力合桃香蕉蛋糕($38)，蛋糕密度偏高，朱古力同香蕉味好夹🍌，甜度适中。有机会想试埋Bagel。
饮品方面($28)，我哋要咗青柠薄荷梳打以及蝶豆花柠檬水，紫色𠮶杯几靓💜。两杯味道偏清淡，唔会太甜，解渴清爽。
总括嚟讲，我冇谂过竟然喺纯素餐厅食到咁多辣滋味，佢嘅辣味几合我心意，同时亦为素菜注入新元素！如果喺中环想简简单单食餐素嘅话，不妨考虑呢度啊😉。
张贴
