影片
更多
2017-08-23
437 浏览
我娘好喜欢吃纸包蛋糕，所以每次见到纸包蛋糕都会谂起娘亲。是日同9月上N班嘅女女去太子买校服，行过一间面包铺，几得意㖞，有朱古力味同紫薯味纸包蛋糕！再睇下贵宝号先… 超群面包西饼… 超群面包西饼﹖wait a minute！超群！﹖唔系执晒喇咩﹖定系同名嘅铺头﹖是旦啦，掉低丈夫同个女喺街就自己冲入去买个纸包蛋糕嚟试下先！入到去见到D包都焗得几企理，令人食欲大增！咦﹖有曲奇皮蛋挞！买嚟试下先！见到有个酸瓜热狗包，啱丈夫食，买埋佢啦！出到去，人山人海，行埋一边先食。问丈夫个酸瓜热狗包点，佢无咩评语，不过有时买包比佢佢见唔啱心水就宁愿饿死都唔食，尼个食晒，应该都唔差得去边。个蛋挞呢，够脆，不过略嫌香味唔够，蛋香争少少。而个纸包蛋糕呢，先讲紫薯，其实初食唔系好觉有紫薯味，但愈食个味就愈出，所以要试多两啖，同埋个 texture 系同平时纸包蛋糕唔同，系软身少少又杰少少，好似真系有少少食紧紫薯咁嘅感觉。因为食咗紫薯味纸包蛋糕，相对个朱古力味又无咁特别，不过佢系一个好食嘅纸包蛋糕。个皮好好食，可以成块起出嚟，个蛋糕嘅质感比平时买到嘅实少少，但系又软绵绵，下次有机会行过再试埋其他面包先！
是日同9月上N班嘅女女去太子买校服，行过一间面包铺，几得意㖞，有朱古力味同紫薯味纸包蛋糕！再睇下贵宝号先… 超群面包西饼… 超群面包西饼﹖wait a minute！超群！﹖唔系执晒喇咩﹖定系同名嘅铺头﹖
是旦啦，掉低丈夫同个女喺街就自己冲入去买个纸包蛋糕嚟试下先！
入到去见到D包都焗得几企理，令人食欲大增！咦﹖有曲奇皮蛋挞！买嚟试下先！见到有个酸瓜热狗包，啱丈夫食，买埋佢啦！
出到去，人山人海，行埋一边先食。
问丈夫个酸瓜热狗包点，佢无咩评语，不过有时买包比佢佢见唔啱心水就宁愿饿死都唔食，尼个食晒，应该都唔差得去边。个蛋挞呢，够脆，不过略嫌香味唔够，蛋香争少少。
而个纸包蛋糕呢，先讲紫薯，其实初食唔系好觉有紫薯味，但愈食个味就愈出，所以要试多两啖，同埋个 texture 系同平时纸包蛋糕唔同，系软身少少又杰少少，好似真系有少少食紧紫薯咁嘅感觉。因为食咗紫薯味纸包蛋糕，相对个朱古力味又无咁特别，不过佢系一个好食嘅纸包蛋糕。个皮好好食，可以成块起出嚟，个蛋糕嘅质感比平时买到嘅实少少，但系又软绵绵，下次有机会行过再试埋其他面包先！
张贴
