寶蓮苑素食 (已結業)

讲到素与斋分别，两者不食动物、素比较斋多点选择；素包括蛋、奶、五辛，所谓五辛即系葱、蒜、洋葱、韭及兴渠。所以，素唔系想像中咁斋！当中，有些素食制品以大豆蛋白纤维或冬菇蒂为材料，做出各式各样嘅素食品如素鸡、素丸类. 素海鲜类. 素香肠类. 素扒类. 素点心类. 素鸭、......等等。今次，我帮衬呢度嘅外卖午餐，<豆酱香芋素肉生根饭> $21，虽然颜色方面有点出入，素肉系粉红色，略似火腿颜色；不过，口感有点似真猪肉！不是想像中稔，有点似食猪肉撕开嘅感觉。味道尚可接受！呢个饭盒最多嘅系芋头，全部都系粉同入味，就算食几多嚿都唔会觉得馏。生根应该系会出几多油，大约三、四嚿，面豉汁唔系太油！冬菇爽身入味！仲有粟米花芯粒，有咬感！至于，例汤：粉葛汤，除了以粉葛煲之外，还有红萝卜、蜜枣、扁豆、眉豆。无油，味道甜美，媲美有猪肉嘅浓汤，饮完唔口渴。久唔久食餐素都好嘅，一来对健康好，二来又环保！