Green Common (如心廣場二期) (已結業)

最近见到好多餐厅卖新餐肉🐖，其实我都唔知咩嚟，今日就有机会食吓👍。Green Common系一间新派素食西餐厅，食物唔系传统斋舖咁油腻 ，口感及卖相都做到似真肉。新肉丝三色炒意肉丝就系用新餐肉，原来新餐肉系由植物材料制成，脂肪同热量较低，仲含有膳食纤维。食落质地微微烟韧，有真餐肉嘅薰香味🥰。但由于要做到有肉香味，所以调味料就会多少少。其他配菜有椰菜、红椒、黄椒、红萝卜🥕，非常健康。意粉有弹牙口感。呢款系BF素食，即系无五辛（大蒜、小蒜、葱、韭菜同洋葱），食后让人心境平和。未来猪柳汉堡配薯条未来猪柳系素肉，仿真肉度好高，差啲以为食紧真肉，同样系BF素食。用羽衣甘蓝做汉堡包就食唔到佢嘅微苦味道，又好健康。粗薯条系即叫即炸，香脆可口。以前觉得食素嘅款式选择好少，味道又寡😞，但今日发现原来食素都有好多精美款式选择，视觉同口感都可以得到大满足，值得推广。