影片
更多
2023-10-08
2706 浏览
餐厅装潢古色古香，餐枱一张张分隔好，私隐度高，可以好好同朋友边享受美食边倾计。食物方面，菜单由厨师预先设计好，有啲菜名几特别，整个套餐有11道菜。 鳗月花卷千色拼盘呢个前菜分别有卷物、凉拌粉皮及蕃茄拼皮蛋。卷物馅料用素鳗鱼及腌萝卜，素鳗鱼质感几松软，而凉拌配料有青瓜、柚子、珊瑚草粒粒、素鳗鱼等，口感好丰富。😛 翠映芙蓉饺颜色好鲜艳，饺子系白菜馅，而饺子皮用甘笋汁做，再将饺子放入西兰花汤。 月光宝盒呢个名好有趣，其实系炸芋盒，炸到外脆内软，芋蓉好软滑，好食。😊 照烧酿水果椒用素红肉酿入彩椒，再配上酸甜柚子酱。 芝士焗黄金茄子用泰国迷你茄子烹调，面头铺满芝士，同时带点咸蛋黄及菇嘅味道。 花好月圆非常有诗意嘅菜名，卖相有啲似特大汤圆，外层嘅皮比较厚身，入面馅料几多，有菇同菜粒，配搭甜甜地嘅桂花汁又几特别。 粉葛牛大力养生汤粉葛汤几足料，仲有茶树菇、赤小豆等，饮落带少少辛味嘅后劲，好暖身。 椰香咖喱素杂锦配料好丰富，有豆卜、素牛丸、薯仔等，素牛丸像真度好高，而咖哩味道好浓郁，椰香味几出，好食。👍 紫萝花锦绣呢道菜有啲似无肉版本嘅咕噜肉，取而代之用咗面筋，食落带点姜味。 白玉灵菇扒菜苗菠菜苗及白
食物方面，菜单由厨师预先设计好，有啲菜名几特别，整个套餐有11道菜。
鳗月花卷千色拼盘
呢个前菜分别有卷物、凉拌粉皮及蕃茄拼皮蛋。卷物馅料用素鳗鱼及腌萝卜，素鳗鱼质感几松软，而凉拌配料有青瓜、柚子、珊瑚草粒粒、素鳗鱼等，口感好丰富。😛
翠映芙蓉饺
颜色好鲜艳，饺子系白菜馅，而饺子皮用甘笋汁做，再将饺子放入西兰花汤。
月光宝盒
呢个名好有趣，其实系炸芋盒，炸到外脆内软，芋蓉好软滑，好食。😊
照烧酿水果椒
用素红肉酿入彩椒，再配上酸甜柚子酱。
芝士焗黄金茄子
用泰国迷你茄子烹调，面头铺满芝士，同时带点咸蛋黄及菇嘅味道。
花好月圆
非常有诗意嘅菜名，卖相有啲似特大汤圆，外层嘅皮比较厚身，入面馅料几多，有菇同菜粒，配搭甜甜地嘅桂花汁又几特别。
粉葛牛大力养生汤
粉葛汤几足料，仲有茶树菇、赤小豆等，饮落带少少辛味嘅后劲，好暖身。
椰香咖喱素杂锦
配料好丰富，有豆卜、素牛丸、薯仔等，素牛丸像真度好高，而咖哩味道好浓郁，椰香味几出，好食。👍
紫萝花锦绣
呢道菜有啲似无肉版本嘅咕噜肉，取而代之用咗面筋，食落带点姜味。
白玉灵菇扒菜苗
菠菜苗及白灵菇好爽脆，酱汁用味噌调味，又几特别㖞。
最后仲有自家制果冻及合桃露做甜品。
整体食物质素唔错，感觉几健康，另外菜式名亦够特别，个人几喜欢月光宝盒及咖哩。😉
张贴
