天 · 悠蔬食 (已結業)

街外食肆实在多肉及油腻，不论系双𩠌抑或fancy restaurant都好，难以揾到好食既素食，于是就同个朋友仔黎到#天悠蔬食 清下肠胃。环境少女心主题餐厅，除左天花挂著可爱的热气球，仲播放着纯音乐，非常放松。晚市套餐前菜会有麻酱沙姜豆丝粉皮，粉皮笔直顺滑，沾点麻酱，胃口大增！同埋日本黑豆亚塔子黑木耳，味道酸酸甜甜！白松露椰菜花忌廉浓汤非常浓郁嘅忌廉汤，用咗好多菇菌打成蓉，清甜充满香菇味。猴头菇竹笙黄耳雪莲子炖汤无肉嘅炖汤，炖汤饮落有少少药材香，浓得黎唔会觉得系味精汤。素腊肠猴菇花菇煲仔饭卖相好吸引，火喉啱啱好，当中素腊肠同冬菇不会焗到好干，咬到汁出黎。米饭干身，而精髓就系食到热辣辣嘅饭焦，非常香脆。和风照烧汁素鳗鱼薄饼鳗鱼即使系，素质感几似真的，主要用紫菜同埋淮山蓉制作，薄饼有厚厚既芝士配照烧汁，有日系pizza既感觉。饮品雪梨青柠芦荟冰茶（冻）咸柑橘蜜（热）两杯饮品都不过不失，咸柑橘无死甜，唔错!!甜品椰香紫薯千层糕玫瑰荔枝乳酪蛋糕总结，呢间餐厅一改我对素食死闷嘅印象，素菜都可以做到fine din既模样，仲要咁好食！