滿屋日本料理 (大鴻輝(荃灣)中心) (已結業)

枱同枱之间嘅距离好窄，而且放食物嘅位置唔多，放两三碟就已经冇晒位。放题要经常出入拎饮品同熟食，咁其实都唔系好方便，环境唔算特别舒服。因为位置唔够，工作人员多次请我地将唔同食物拼埋一碟，虽然语气有礼，但我都好奇怪咁点解后厨唔直接将同类放系一齐……不过归根到底都系位置管理有问题，系疫情尚未淡出视野嘅今下，其实对满屋嘅布置都唔系好满意。食物素质一般，回顾晚上食过嘅一齐好似都冇咩特别好食嘅食物……刺身带子OK，甜虾及三文鱼麻麻地，炸双皮奶同炸蚝好食，不过容易腻都食唔到几多。自助吧嘅青口唔新鲜，冰柜嘅布丁唔知系放嘅时间太短定系变质，出水嘅同时味道古怪。值得称赞嘅系员工收走垃圾嘅速度都几快。总体来说远不如上次21年10月嘅体验，对比以前实在系退步太多，以后会选择返其他餐厅。